យល់​ដឹង​ពី​អត្ថន័យ​នៃ​ផ្ទាំង “Trust This Computer?” លើ iOS! ហេតុ​អ្វី​តែង​លោត​ចេញ​ពេល​ដោត​ចូល​កុំព្យូទ័រ​ដំបូង?

នេះជាចំណេះដឹងមួយ ដែលអ្នកប្រើប្រាស់ ប្រព័ន្ធប្រតិបត្តិការ iOS គួរយល់ដឹង ដើម្បីកុំឲ្យមាន ការងឿងឆ្ងល់ និងមានអារម្មណ៍ រំខានពីការលោត ចេញផ្ទាំងនេះ ចេញមក នៅពេលដោត ចូលកុំព្យូទ័រ ណាមួយនៅ ពេលដំបូង។

ហេតុអ្វីតែងលោតចេញពេលដោតចូលកុំព្យូទ័រដំបូង?យើងអាចនិយាយបានថានេះ ជាផ្ទាំងសុវត្ថិភាពមួយ ដែលលោតបញ្ជាក់ អ្នកប្រើប្រាស់ ឬម្ចាស់ឲ្យ បានដឹង និងសួរដល់ម្ចាស់ ថាគួរជឿជាក់លើ កុំព្យូទ័រដែលគាត់ បានដោតជាមួយ ស្មាតហ្វូននេះ ដែរឬអត់ ដោយមាន ជម្រើស Trust សម្រាប់ការទុកចិត្ត យល់ព្រម ឲ្យកុំព្យូទ័រស្គាល់ ស្មាតហ្វូន និង Don’t Trust ដើម្បីបញ្ចប់ មិនឲ្យកុំព្យូទ័រស្គាល់ ដូចនេះកុំព្យូទ័រ មិនអាចបើក ទិន្នន័យរបស់ស្មាតហ្វូន នេះបានទេ។ តែភាគច្រើន ផ្ទាំងនេះចង់ ដាស់ទឿនដល់អ្នក ប្រើប្រាស់ ដើម្បីបញ្ជាក់ ពួកគាត់ឲ្យបានច្បាស់ មុនសំរេចចិត្ត ដោតជាមួយ កុំព្យូទ័រផ្សេងៗ ដើម្បីរក្សា សុវត្ថិភាព មិនឲ្យ បាត់ទិន្នន័យ និងមិនចង់ឲ្យ ឆ្លងមេរោគផ្សេងៗ។
ដើម្បីផ្តាច់ទំនាក់ទំនងកុំឲ្យកុំព្យូទ័រណាមួយ ស្គាល់ស្មាតហ្វូន របស់អ្នកនោះ ឬហៅថា Untrust អ្នកអាចធ្វើតាម វិធីខាងក្រោម៖

• ទៅកាន់ Settings > General > Reset > Reset Location & Privacy

• បន្ទាប់នៅពេលដោតចូលកុំព្យូទ័រផ្សេងៗ និងត្រូវចេញលោតចេញ ផ្ទាំងនោះ មកបន្តទៀត។

យើងបានស្រាយចម្ងល់ដល់មិត្តអ្នកអាន មួយចំនួនដែល មិនទាន់បានដឹង ហើយមិនបាច់ព្រួយ ឬបារម្មណ៍ពីការ រំខាននៃ ផ្ទាំងនេះទេ ដោយសារវាចេញ មកតែម្តងៗ ពេលយើងដោត ចូលកុំព្យូទ័រផ្សេងៗ ដែលយើងដោត លើកដំបូង និងពេលដោត លើកទី 2 វានឹងលែងចេញ ផ្ទាំងនេះ ទៀតហើយ។