ឆ្ងល់​ទេហេតុអ្វី​បាន​ម៉ូតូ Scoopy ឈ្មោះ​ដូច​គ្នា​ តែ​​តម្លៃ​ខុស​គ្នា?

"ហេតុអ្វី​បាន​ម៉ូតូ Scoopy ឈ្មោះ​ដូច​គ្នា តែ​​តម្លៃ​ខុស​គ្នា?" នេះ​ជា​ចម្ងល់​ដែល​ប្រិយមិត្ត​ជា​ច្រើន​តែង​ឆ្ងល់​ពេល​ទៅ​ទិញ​ម៉ូតូ​ Scoopy ឈ្មោះ​តែ​មួយ ស៊េរី​ឆ្នាំ​​តែ​មួយ​តែ​អ្នក​លក់​ប្រាប់​ថា​ តម្លៃ​ខុស​គ្នា។ ខាងក្រោម​នេះ​ជា​ចម្លើយ​ពី​អ្នក​លក់​ផ្ទាល់។

អ្នក​លក់​ម៉ូតូ​ម្នាក់​នៅ​ម្ដុំ​គិរីរម្យ បាន​ឲ្យ​ដឹង​ថា តាម​ពិត​ទៅ​ម៉ូតូ Scoopy គេ​ចែក​ជា​បី​ប្រភេទ​ខុស​ៗ​គ្នា។

• ប្រភេទ​ទីមួយ​គឺជា Scoopy Urban team ឬ​ប្រភេទ​តែម​ក្រដាស មាន​កង់​កាំ​រាយ​មក​ពី​នាយ​និង​មាន​ពោះវៀន​ផ្នែក​ខាង​ក្នុង​កង់ និង​អាច​ហៅ​បាន​ឈ្មោះ​ផ្សេង​ទៀត​តាម​ស៊េរី​ឆ្នាំ​ដូចជា Vivid boy, Active boy និង​ Urban team ជាដើម ឯ​តម្លៃខ្ទង់​ប្រហែល ១៩៣០ ដុល្លារ។

Scoopy Urban theme

• ប្រភេទ​ទីពីរ​គឺ​ជា Scoopy Prestige ឬ​ប្រភេទ​តែ​ម​ដែក មាន​កង់​កាំ​បន្ទះ​ កង់​ធំ​មក​ពី​នាយ​និង​មាន​​ពោះ​វៀនផ្នែក​ខាង​ក្នុង​កង់​ដូច​ប្រភេទ​ទី​មួយ​ដែរ ឯ​តម្លៃខ្ទង់​ប្រហែល ២០៥០ ដុល្លារ។

Scoopy Prestige

• ចំណែក​ប្រភេទ​ទី​បី​គឺ​ជា Scoopy Club 12 ឬ​ប្រភេទ​តែម​ដែក​ដូច​គ្នា តែ​មាន​កង់​ធំ កាំ​បន្ទះ តែ​អត់​មាន​​ពោះវៀន​ផ្នែក​ខាង​ក្នុង​កង់​នោះ​ទេ(ដូច Zoomer X ដែរ) មាន​ប្រព័ន្ធ​ហ្រាំង​ពិសេសេ​មុខ​ក្រោយ Combi-brake ឯ​តម្លៃខ្ទង់​ប្រហែល ២១០០ ដុល្លារ។

Scoopy Club 12

ចំពោះ​តម្លៃ​ក៏​ខុស​គ្នា​ទៀត​ទៅ​តាម​ការ​នាំ​ចូល​របស់​អ្នក​លក់​ផ្សេងៗ​គ្នា និង​អាស្រ័យ​ពន្ធ​នាំ​ចូល​ផងដែរ ប៉ុន្តែ​បើ​និយាយ​ពី​ភាពខុសគ្នា​របស់ Scoopy គឺ​ដូច​ការ​បង្ហាញ​ជូន​ខាង​លើ៕