អ្នកជំនាញ៖ ស្ត្រី ដែលមានកំពស់ខ្ពស់ជាង១.៦៥ម៉ែត្រ ប្រឈមនឹងការកើតជម្ងឺបេះដូងខ្ពស់

យោងតាមការសិក្សាបានឲ្យដឹងថា ស្ត្រីដែលមានកំពស់ខ្ពស់ជាង៥.៥ហ្វីត (ប្រហែល១.៦៥ម៉ែត្រ) ប្រឈមនឹងការកើតមានជម្ងឺបេះដូងខ្ពស់ដល់ទៅ៣ដង បើធៀបនឹងស្ថានភាពមនុស្សស្រីកំពស់ទាប។ ស្ត្រី ដែលមានកំពស់ខ្ពស់ នោះទំហំបេះដូងក៏ធំ ហើយវាអាចបង្កឱ្យចង្វាក់បេះដូងដើរមិនប្រក្រតី នោះវានឹងប៉ះពាល់ដល់បេះដូងបង្កឲ្យកើតជាជម្ងឺ។ ម៉្យាងទៀតទំងន់ក៏ជាបញ្ហាមួយ ដែលស្ត្រីគួរចាប់អារម្មណ៍ដែរ ព្រោះប្រសិនបើស្ត្រីមានទំងន់លើ៧៦គីឡូក្រាមក៏អាចបង្កឲ្យមានបញ្ហាសុខភាពផងដែរ។អ្នកវិទ្យាសាស្ត្រនៅសាកលវិទ្យាល័យ Gothenburg ណែនាំឲ្យស្ត្រី ដែលមានកំពស់ខ្ពស់ គួរតែរក្សាតុល្យភាពទំងន់របស់ខ្លួនឲ្យបានល្អទើបមិនកើតហេតុជម្ងឺបេះដូង៕